尚品餐室 (已結業)

行到饿饿地，沿路边行边觅食，经过尚品餐室，已经有好香好香既味道，所以决定一试。一睇餐牌已经系花多眼乱！我同友人两个人都谂左阵先可以决定到叫什么，我们点了碗潮汕肉碎鸡粥，腐乳炒通菜同埋风沙椒盐九肚鱼。潮汕肉碎鸡粥：碗粥好正宗，好有潮洲粥嘅感觉，同埋用料十足，而家好难食到咁正宗咁足料嘅粥！好好味，我同友人好轻松就将成碗粥食晒腐乳炒通菜：份量同卖相绝对唔惹少，啲汁好多好好味，炒得好入味，食每啖通菜都有腐乳嘅香味，我同友人真系食到完全停唔到。风沙椒盐九肚鱼：唔系好多地方食得到，见到呢度有得食当然要叫啦！风沙椒盐九肚鱼绝对没有失望，一定一定要点，一咬落去系皮薄完全唔会觉得太厚粉，九肚鱼非常滑，非常值得推介。而且呢度份量十足，大大的一碟九肚鱼，但实在太好味喇，我同友人全部食晒。尚品餐室确是惊喜之作，佢小菜之外仲有鸡煲同火锅，下次会同多啲朋友黎试下个鸡煲