和平餐室 (深水埗海達)

营业中

休息中

同朋友去开深水埗买电脑嘢，就揾咗附近嘅和平餐室食午餐连下午茶。我叫咗椒盐四季豆猪扒配白饭和老火汤。餐厅加咗蒜炒猪扒，好好镬气而且蒜味好香。猪扒唔会太肥，四季豆新鲜爽脆。老火汤足料。朋友叫咗XO西兰花炒鲜鱿，同样配白饭和老火汤。XO酱带有小辣，餐厅好慷慨畀咗好多鲜鱿，全部鲜嫩弹牙，西兰花唔会太硬。真系好肚饿，我哋再叫咗新鲜出炉蛋挞、金砖西多和意式油醋汁沙律share。西多士系原味，外脆内软，上面淋咗奶酱，好邪恶不过好好味。蛋挞比平常吃到嘅多咗啲奶皇味，感觉很新鲜。食咗咁多嘢，我叫多咗杯热柠茶帮助消化。叫咁多嘢都系二百蚊有找，非常抵食。