影片
更多
2022-12-02
41 浏览
讲起深水埗黄金中心，我谂大家都系谂紧电脑配件同数码野，咁你又知吾知原来楼上系有得打边炉！真系行过路过咁多次，次次都错过，哩日嚟远就睇到个大招牌，黄金厨房？真系吾可以错过啦，同朋友上嚟一探究竟！应该系岩岩装修完，里面新净阔落，以黑色同金色为主色调，听朋友画以前哩度系茶楼嚟，谂吾到新装完搞搞新意思，睇下menu，选择多之余，价格都非常合理。鸳鸯锅(沙嗲汤底拼皮蛋芫茜) ($98)哩个锅底简直不要太抵，$98嘅锅底仲有几多料！沙嗲汤底衬晒黄金哩个名，色泽诱人，里面系满满嘅豆卜同枝竹，索满汤汁，沙嗲汁吾会太咸，反而微甜为食物带出鲜味，每一啖都好滋味！而皮蛋芫茜汤底就岩晒中意清淡嘅人，除咗皮蛋、芫茜，仲有好多豆腐，吾知点解觉得如果加埋个鱼落去煲，就系阿妈D汤嘅味道～龙虾海鲜拼盘($398)哩个海鲜拼盘非常丰富，见到隔离枱有人食，朋友话好似好正，于是就叫咗。话时话海鲜嘅种类真系好多，二人分量，一次过尝鲜简直不要太满足，拼盘有龙虾、鲜海虾、圣子、美国桶蚝、鲍鱼、龙趸、花甲、沙白八种咁多！而我最中意就系龙趸、圣子同鲍鱼，新鲜爽脆，同个沙嗲汤底好夹！桶蚝就大大只，贝类都出色冇沙，入口鲜嫩。极级霜降牛颈脊
应该系岩岩装修完，里面新净阔落，以黑色同金色为主色调，听朋友画以前哩度系茶楼嚟，谂吾到新装完搞搞新意思，睇下menu，选择多之余，价格都非常合理。
鸳鸯锅(沙嗲汤底拼皮蛋芫茜) ($98)
哩个锅底简直不要太抵，$98嘅锅底仲有几多料！沙嗲汤底衬晒黄金哩个名，色泽诱人，里面系满满嘅豆卜同枝竹，索满汤汁，沙嗲汁吾会太咸，反而微甜为食物带出鲜味，每一啖都好滋味！而皮蛋芫茜汤底就岩晒中意清淡嘅人，除咗皮蛋、芫茜，仲有好多豆腐，吾知点解觉得如果加埋个鱼落去煲，就系阿妈D汤嘅味道～
龙虾海鲜拼盘($398)
哩个海鲜拼盘非常丰富，见到隔离枱有人食，朋友话好似好正，于是就叫咗。话时话海鲜嘅种类真系好多，二人分量，一次过尝鲜简直不要太满足，拼盘有龙虾、鲜海虾、圣子、美国桶蚝、鲍鱼、龙趸、花甲、沙白八种咁多！而我最中意就系龙趸、圣子同鲍鱼，新鲜爽脆，同个沙嗲汤底好夹！桶蚝就大大只，贝类都出色冇沙，入口鲜嫩。
极级霜降牛颈脊($268/细)
真正嘅手切牛颈脊，打边炉一流！肉味非常浓郁，口感有嚼劲，平时食肥牛嫌单调，就一定要试下佢！
纽西兰羊肉卷($88)
羊肉的营养丰富，有丰富嘅蛋白质、维他命、铁质等，冬天食岩晒！哩碟羊肉肉味清香带甜，羊膻味吾重，落入汤好快就熟，再沾上酱料，好美味！
海生虾($时价)
以竹签形式插在冰上上枱，系真・生虾，因为非常生猛，上枱仲系咁郁，睇得出嘅新鲜，虾肉入口爽口弹牙～
黄金四宝丸($108)
四宝分别系虾滑、牛肉滑、墨鱼滑同鲮鱼滑，多种颜色，打卡吾错！烚熟后鲜、嫩、脆、滑，口感Q弹，中意食丸嘅人不可错过！
人气脆响铃($48)
有沙嗲汤底真系要叫D可以索汤汁嘅食物，哩个响铃就系咁嚟，落汤底几秒就食得，脆得嚟又有丰富汤汁，朋友好中意食～
杂菇杂菜篮($48)
超抵嘅菜篮，哩个价钱有至少五样蔬菜，粟米、皇帝菜、唐蒿、生菜、西洋菜、一次过满足你嘅所有愿望～
白酒($178)
话说哩间中式打边炉餐厅都几特别，一整排酒柜，价钱非常公道，开一支尽兴，仲有红白酒、啤酒、甜酒多种选择，哩个价钱，真系不妨一试！
张贴
