炯記手撕雞 (汝州街) (已結業)

烧鹅髀捞粗+冻饮($113): 见到只烧鹅髀已经知道自己冇嗌错，鹅髀烧到金黄色，色泽均匀，每一啖都食到啖啖嘅油脂同肉汁，鹅皮烧到脆卜卜，真系好香好滋味。而捞粗亦都好入味，鹅油味够重，面质爽口，绝对系必点之选！粟米粉葛鸡汤(跟主食$0): 味道清甜，用料十足，少盐少甜，非常健康，配上烧鹅髀捞粗黎食，完全可以消咗个油腻感。鸳鸯手撕鸡肠粉($42): 手撕鸡嘅份量好多，鸡肉有咬口，够嫩滑，肉汁鲜甜，麻辣同盐焗都各有特色，盐焗手撕鸡仲加埋麻油捞埋一齐，十分惹味。而肠粉软滑有弹性，淋上甜酱、麻酱同芝麻，口感更佳，个人十分推荐！酸辣云耳($20): 云耳酸辣惹味，完全系开胃菜式，配上青瓜丝，口感爽脆，酸酸甜甜，完美之作！