嚐味 (已結業)

同朋友想即兴食鸡煲打边炉，见到呢间好光猛，价钱又平几抵食咁，就做一次勇者。店内枱与枱之间空间都几多，唔算好迫，整体都好干净。🐔重庆鸡煲 + 任饮任食边炉 $188以蒜、洋葱同辣椒爆香咗，再加上鸡煲酱，香喷喷即刻就食得。有留意炉头，都冇啲万年油渍，清洁算系好仔细。鸡件好滑，鸡皮炒得好香，配菜洋葱都好甜。原来加$20就可以无限任添，不过大家想打下边炉就冇咁选择🥘鸳鸯锅 (椰子鸡汤&麻辣汤)汤底当然要一辣一唔辣，椰子鸡汤够清香，麻辣汤够过瘾！基本边炉食材都齐，竟然仲有牛骨髓，出面真系好难揾到～特别推荐牛栢叶，出面好多都系普通料，成日都咬到牙骹软，但呢间既好爽，好新鲜，本身就系牛栢叶狂迷嘅我哋叫咗好多碟😳其他料都好新鲜，一份就系一份，唔会有时上上下因为怕你食唔晒，就缩小份量。今次性价比真系极高，$188包晒鸡煲同任食边炉，一班朋友平平地一齐吹住水食下都唔错，饮品种类又多，格局都舒服。