道鮨日本料理 (已結業)

越嚟越多和食餐厅做Omakase厨师发办。之前都试咗几间，有专做天妇罗嘅，亦有以浜烧做主题。今次呢间真真正正以「鮨」做返大前题，「鮨」除咗解和食之外，其实佢系泛指江户前寿司，鲜鱼同醋饭系最主要嘅素材。1）松露油水牛芝士番茄 加 韩式辣椒酱烧鸡翼呢味韩、意、日嘅混合创作，开胃之余，亦都用呢道菜嘅酸、辣、甜、咸打开咗味蕾。2）真鲷鱼腩、八爪鱼，牡丹虾刺身牡丹虾里面仲包住咗虾膏起，一啖咁食，虾膏嘅鲜香散发到成口都系，但都掩盖唔到牡丹虾嘅鲜甜味，劲！3）天妇罗虾头连啲虾脚都好鲜香，个头就唔使问啦，酥脆酥脆！4）墨鱼海胆，深海池鱼，车海老，竹签鱼，带子 红醋饭寿司最好叫定要寿司同山葵分开上，咁就更加试到鲜嘅鲜味。深海池鱼同竹签鱼系极为鲜味嘅鱼，建议放到最后先食。5）烧真鲷白子呢个除左系咁大条真鲷嘅精粹，简直就系成晚嘅精粹，质感似食紧蒸至半熟嘅蛋白，味道就系咸鲜嘅最高境界。6）大拖罗  左口鱼裙边 穴子 野生油甘鱼（𫚕鱼）日本海胆 小贝柱 葱拖罗拖罗出场，质感，鲜味，层次，鱼油香都再次升华。油甘鱼同左口鱼裙边都唔输蚀，穴子同小贝柱殿后，再嚟埋海胆，精彩绝伦！7）兵库县 赤水蚝 酸汁啫喱酸汁啫喱将蚝