魔術兔曲奇 (已搬遷) 新店位置

曲奇来来去去熊仔曲奇/蓝罐曲奇，最近几个侄仔生日，见到咁得意可爱既兔仔曲奇梗系唔放过〔其实就系自己比佢咁靓又有少女风既包装设计吸引左〕！总共买左两盒细曲奇同一盒蝴蝶酥！粉蓝色罐装曲奇同粉紫色罐装曲奇都系三只味：牛油味（奶白色）、咖啡味（啡色）、香芋紫蕃薯味（紫色）咖啡味既曲奇非常抢味，一开就闻到好重咖啡味，香气浓郁！我仲发现咖啡味曲奇特别大块～食落有香浓咖啡味，又唔会苦涩，口感非常松化，牛油分量刚好，食完唔会口干！牛油味食落好香牛油香味，甜度适中，松化既口感非常重要！香芋紫蕃薯味既曲奇我未食过，紫薯味唔算太浓，甜味亦刚好，带少许牛油味！全部曲奇都非常松化，唔会烤过头令到曲奇表面焦化，牛油分量刚好，食完唔口干值得一赞！我觉得曲奇系位于高水平既质素，个人非常喜欢既口感味道！另外还有买左一盒蝴蝶酥，独立包装非常方便，卖相极可爱亦十分少女风，送礼一流！蝴蝶酥香口松脆，脆卜卜既蝴蝶酥加上表面的大粒砂糖，口感十足，而且味道唔会太甜，微甜香口更适合怕甜既你～连平时不爱食甜既男朋友都一口接一口，赞不绝口！我偷偷地放左几包系手袋，返工口痕时过口瘾，咁靓既包装同事见到都话想买！真系非常推荐！