影片
更多
2010-11-25
31 浏览
今年秋天，我食左几间唔同日本食店嘅秋刀鱼刺身，当中最难忘嘅除左铜锣湾天喜之外，不得不提中环呢间Naozen。Naozen位于镛记对面，店子外围系低调平凡嘅石墙设计，未必吸引到熙来攘往嘅人群目光。但内里原来绝不简单，无论食物质素，格局装修，服务态度等，绝对令人相当满意。如其他日本食店一样，侍应先送上前菜，一小碟菠菜、金菇及木鱼丝，浸著凉快可口嘅清汤，既简单又清新，感觉非常讨好。唔知几时开始，每次到有级数嘅日本餐厅，总会希望食蛋卷。呢度嘅蛋卷外表上虽然唔太企理，而且雪得较为冻左少少，但甜度同松软度正是我最爱嘅果种，食得相当满足。出色嘅秋刀鱼刺身，必定鱼味要够甘香丰腴，肥美鱼肉同鱼皮银光之间，要夹杂一层丰厚肥美嘅油脂，条件缺一不可。Naozen果然无令我失望，全部做到晒！秋刀鱼腩部份更加系今次精髓所在，食落鲜嫩无腥，非常精彩。所以其他鱼唔驶再叫，单一种秋刀鱼已教我称心满意。 食过秋刀鱼后，再试原只北寄贝刺身。北寄贝鲜甜无比，肉身好厚，食落非常爽脆鲜味，尤其系边位部份，咬落相当有嚼头，无须蘸豉油都已经令人回味！呢度嘅自家制豆腐非常outstanding，豆腐软滑而有浓郁豆香，无多余嘅水份溢出，
如其他日本食店一样，侍应先送上前菜，一小碟菠菜、金菇及木鱼丝，浸著凉快可口嘅清汤，既简单又清新，感觉非常讨好。
唔知几时开始，每次到有级数嘅日本餐厅，总会希望食蛋卷。呢度嘅蛋卷外表上虽然唔太企理，而且雪得较为冻左少少，但甜度同松软度正是我最爱嘅果种，食得相当满足。
出色嘅秋刀鱼刺身，必定鱼味要够甘香丰腴，肥美鱼肉同鱼皮银光之间，要夹杂一层丰厚肥美嘅油脂，条件缺一不可。Naozen果然无令我失望，全部做到晒！秋刀鱼腩部份更加系今次精髓所在，食落鲜嫩无腥，非常精彩。所以其他鱼唔驶再叫，单一种秋刀鱼已教我称心满意。
食过秋刀鱼后，再试原只北寄贝刺身。北寄贝鲜甜无比，肉身好厚，食落非常爽脆鲜味，尤其系边位部份，咬落相当有嚼头，无须蘸豉油都已经令人回味！
呢度嘅自家制豆腐非常outstanding，豆腐软滑而有浓郁豆香，无多余嘅水份溢出，加上酱油、木鱼丝、葱花及姜茸一齐食，绝对系人间美味，虽然索价要成百元一份，但仍然值得推介。
Naozen每季都会推出唔同而又有季节特色嘅釜饭，水准超然，所以绝对不容错过。所谓釜饭，即系以砂锅盛载著饭同食材，再用炭火慢慢蒸熟，近似广东人爱食嘅煲仔饭，绝对系寒冬必食之选。 今次食到嘅系松茸釜饭香气迷人，菇味虽然食落较清淡，但白米同上汤早已将松茸精华尽收，饭粒多添一份鲜味，食落滋味无比，加埋底部饭焦，更觉惹味。
顺带一提系Naozen嘅侍应非常有礼，好多细微服务亦做得非常贴心，值得其他食店学习。呢度收费唔算平，幸有好友请客，在此再说一次多谢。
张贴
