影片
更多
2021-05-19
71 浏览
红日当日，见到youtuber出片大赞餐厅既片皮鸭出色，见openrice评价都好好，就即刻打电话去book当晚既时间，打电话话有位，劲开心冇谂过kol介绍完红日都会有位可以食。隔左三个钟左右，我再致电餐厅询问片皮鸭需唔需要预定同留起，得到既答覆系唔需要。餐厅会有足够既数量供应。到左夜晚我带住老人家，一家四口过海特登去试下呢间餐厅。8点05分到，同门口既waitress讲book左8点4位，佢话稍等一阵，我地企埋一边，见到前面已经有大概3-4枱，仲等梗入坐。门口既waitress做野极度混乱，好几次入面有其他侍应问差几多枱，佢都讲唔清楚。门口reception 仲长期处于冇人既状态。时间黎到8点40分，呢个时候大家一黎怕限聚到10点，二黎系天气又好热，都一直chur住想要枱入去。呢个时候有其他客人问下一张系咪到佢地，侍应话系，我问下一张唔系我咩，但侍应先发现冇俾枱我。然后我行入去问另一个男侍应可唔可以帮我地落左单先，我地未有枱惊唔够时间，佢既exact wording系”吓咁惨啊”系幸灾乐祸既语气。隔左30秒，佢话落单啦你想要咩，我话片皮鸭三食，佢话冇㖞今日片皮鸭卖晒啦，我话我打左电话
红日当日，见到youtuber出片大赞餐厅既片皮鸭出色，见openrice评价都好好，就即刻打电话去book当晚既时间，打电话话有位，劲开心冇谂过kol介绍完红日都会有位可以食。
隔左三个钟左右，我再致电餐厅询问片皮鸭需唔需要预定同留起，得到既答覆系唔需要。餐厅会有足够既数量供应。
到左夜晚我带住老人家，一家四口过海特登去试下呢间餐厅。8点05分到，同门口既waitress讲book左8点4位，佢话稍等一阵，我地企埋一边，见到前面已经有大概3-4枱，仲等梗入坐。门口既waitress做野极度混乱，好几次入面有其他侍应问差几多枱，佢都讲唔清楚。门口reception 仲长期处于冇人既状态。
时间黎到8点40分，呢个时候大家一黎怕限聚到10点，二黎系天气又好热，都一直chur住想要枱入去。呢个时候有其他客人问下一张系咪到佢地，侍应话系，我问下一张唔系我咩，但侍应先发现冇俾枱我。
然后我行入去问另一个男侍应可唔可以帮我地落左单先，我地未有枱惊唔够时间，佢既exact wording系”吓咁惨啊”系幸灾乐祸既语气。
隔左30秒，佢话落单啦你想要咩，
我话片皮鸭三食，
佢话冇㖞今日片皮鸭卖晒啦，
我话我打左电话唔系唔洗book同会有？
佢话冇啊百几只今日卖晒冇得净。
我地就走到左，决定唔食。
期待左一日，本身真系好期待，点知带住一家大细一齐失望。最后俾呢间餐厅拖到9点，周围都已经last order，ruin左我地一家人食饭既机会。
其实我明白有kol 介绍晒加上系红日，一定full house。但系态度真系好差，服务人员处理crisis既能力亦好差。如果服务系咁样，食物再好都绝对算不上一间好餐厅。
张贴