麗港軒潮菜館 (已結業)

写呢个食评,唔系为咗出啖气,而系想其他准备一家大细谂住去呢间嘢试吓"私房菜"嘅朋友唔好重轁我嘅覆辙.今晚黎食呢餐系团年饭,由于有老有少又有素食者,一早已喺电话booking时讲清楚人数,因佢地系当自己系私房菜咁按人头收钱.由于菜单冇素食选择,所以已喺电话中agree唔计一位而到时另叫.佢地冇任何confirmation,话电话就作实,结果......当然系唔啱数,拗一轮后仲比一位疑似老板娘闹话我地食嘢唔数件数,实在坦白讲,我喺香港一家人出外食嘢从来唔会数有几多件.事情至此,唔好讲佢嘅食物普通(甚至过咸/甜),今时今日用咁嘅态度对食客已经唔可以接受.(仲要系团年饭)真系想比10个刘华佢请佢检讨自己嘅服务及管理. 私房菜绝对唔系咁做架,你估按人头收费就系咩 至于食物,我地叫咗荷包鳝汤(太咸),芹菜沙孟(鞋+咸),"老"水鹅+豆腐(ok),金不换焗蟹(淡),豉油煎虾(ok爽但冇咩味),绿豆春卷(怪怪地),莞茜烧鸡(ok但太肥),菜葡蛋(冇咩菜葡),绿豆爽清心丸(冇咩清心丸),菜(家人话冇味),反沙竽(太甜)至于order咗嘅素食菜式全部冇黎(黎过碟有肉叫佢换,一去冇影啦) 结论系四个