影片
更多
2018-02-03
6649 浏览
老锅算系向油尖旺区之中，一间比较贵价嘅火锅店，正常嚟讲，人均消费都要300蚊以上。而佢嘅最大卖点就系足料汤底，强调真材实料，既有麻辣、亦都有养生美颜嘅选择，每款汤底平均200蚊左右(鸳鸯锅以较高价钱嘅汤底收费)。除咗汤底，食材都相对高质同埋新鲜，单价自然都比较贵。好似我地咁，只系点咗4款食材，计埋饮野，就已经盛惠800蚊。话就话好食，不过为咗银包著想，都系少食多滋味～ 鸳鸯锅(养生锅+美人锅) HKD198 两款汤底都咁足料，美人锅可以见到原只嘅乌鸡，饮落除咗胶质感十足之外，金华火腿嘅咸鲜味亦都好突出，向乌鸡同南枣嘅鲜甜中和之下，味道浓郁得嚟又唔会过火；而养生锅亦都落重本，就咁望已经见到好多人参，可以想像到成煲汤都会好重甘味，未饮已经觉得好补～记得要向渌野之前先饮返两碗，暖胃之余，又够原汁原味；如果渌完一轮先再饮嘅话，味道就会好杂。 台湾A菜 HKD68第一次食台湾A菜，望落佢个样虽然唔算好靓仔同嫩绿，但胜在够清脆香甜，一试就爱上咗佢。不过一盘盛惠68蚊，对于我呢啲平时向深水埗买开几蚊菜仔嘅人嚟讲，真系太贵。好多人误以为台湾A菜即系等于油麦菜，但其实佢地只系菜有相似。 A菜，又名「莴笋
鸳鸯锅(养生锅+美人锅) HKD198
两款汤底都咁足料，美人锅可以见到原只嘅乌鸡，饮落除咗胶质感十足之外，金华火腿嘅咸鲜味亦都好突出，向乌鸡同南枣嘅鲜甜中和之下，味道浓郁得嚟又唔会过火；
而养生锅亦都落重本，就咁望已经见到好多人参，可以想像到成煲汤都会好重甘味，未饮已经觉得好补～
记得要向渌野之前先饮返两碗，暖胃之余，又够原汁原味；如果渌完一轮先再饮嘅话，味道就会好杂。
鸳鸯锅(养生锅+美人锅)
$198
49 浏览
0 赞好
0 留言
台湾A菜 HKD68
第一次食台湾A菜，望落佢个样虽然唔算好靓仔同嫩绿，但胜在够清脆香甜，一试就爱上咗佢。不过一盘盛惠68蚊，对于我呢啲平时向深水埗买开几蚊菜仔嘅人嚟讲，真系太贵。
好多人误以为台湾A菜即系等于油麦菜，但其实佢地只系菜有相似。 A菜，又名「莴笋」、俗名「妹仔菜」、「鹅菜」等等。 A菜同油麦菜都属莴苣属，A菜属于茎用莴苣，而油麦菜就属于长叶莴苣。
台湾A菜
$68
32 浏览
0 赞好
0 留言
鸳鸯双蚌(桂花蚌、珊瑚蚌) HKD148
蚌身每一件都切到好薄，渌嘅时候自然更快熟，大厨就建议，灼8秒系最理想。虽然珊瑚蚌同桂花蚌本身无乜味道，但放落美人汤同养生汤轻轻一渌，就已经带到佢地嘅鲜味；食落好爽口弹牙，点埋特制嘅酱油，咸度恰到好处，仲keep到个鲜味。
鸳鸯双蚌(桂花蚌、珊瑚蚌)
$148
40 浏览
0 赞好
0 留言
美国特级牛肋肉 HKD198
卷成一条条圆柱状嘅薄切牛肋肉，油花纹理清晰，蛋白质同脂肪嘅比例亦都好平均，摆落火锅到涮几秒就上哂色，再点一点鲜味嘅酱油，食落嫩口、牛味浓郁，正！
美国特级牛肋肉
$198
51 浏览
0 赞好
0 留言
手工丸拼盘 HKD98
(梅菜猪肉丸 芝士牛肉丸 墨鱼丸 黑松露虾丸)
手工丸嘅配搭除咗有常见嘅丸类之外，仲有好多创意嘅选择。梅菜猪肉、芝士牛肉、黑松露虾呢啲都好有特色，肉感重、唔会粉，食得出系足料制作，不过讲到爽口弹牙，始终都系墨鱼丸最好，一粒真系好墨鱼嘅墨鱼丸，完全唔系一般嘅墨鱼丸可以媲美～
手工丸拼盘
$98
19 浏览
0 赞好
0 留言
张贴
