一芳台灣水果茶 (已結業)

自从转咗工作地方之后，多咗叫外卖嘅情况。一来真系几方便，二来系价钱又唔算太贵，大家饮肥仔水嘅次数都多咗。大家食完饭有啲口痕，所以谂住又外卖叫一芳饮。虽然一芳水果茶好出名，但自己唔想次次都系饮招牌饮品，感觉无咩新意。咁啱见到有季节限定嘅芋头鲜奶绿，当然要把握机会试下，平时去店铺都无印象见过呢杯。呢杯饮品我后尾先知系用咗台湾大甲芋头制成，香港有唔少茶饮店嘅芋头都标榜用台湾芋头，我之前试过另一间嘅芋头饮品，口感真系几好。-芋头鲜奶绿（加珍珠）平时好少饮奶绿个类嘅饮品，今次试下，但总觉得绿茶沟淡咗芋头甜度。入口虽然有甜度，但偏清淡。我另外加咗珍珠，不过后来发现好似有点多余，因为本身已经有芋头可以咀嚼。