川燒 (已結業)

甫坐下见邻桌客人催单，侍应哥哥话，即烧系要耐啲，你要快去茶餐厅吖嘛。讲得好，好嘅食物系值得等待，试下你咩味先。打电话订位，鸡泡鱼干送嘅，佐1664啤酒一流。黑毛猪质哋似牛肉，烧啡菇都好juicy。不过佐酒除左食鸡泡鱼，食花生都好搭。隔离枱被揶揄，不但没反击，仲被侍应哥哥sell到饮贵酒，有倾有讲。技术果然高超。除咗有霸气，侍应仲好识sell。share fb page就有半价烧蚝，住鸡泡鱼，食咗半打蚝之后，你会开始眼前蒙眬，咦，成个menu嘅嘢食都好抵㖞，叫多几碟。本身下酒小菜变左小林尊式怒食。我是茄子迷，烧得软绵绵又唔油，唔系好多间做到。第一次食川烧，食完一星期后encore，唔系因为佢特别好味，只系放工可以浅酌，又多食物选择，又唔驶等位嘅地方唔多，加埋霸气侍应哥哥，抵俾个赞。