發記腸粉粥品

营业中

休息中

话说有一排我肠胃差到爆，食唛都想呕，又头痛，结果男友就同我去左食我地从来无试过出街比钱食既粥。男友话粥系用砂锅上既，有啲份量，之前食过又唔差，所以一直想带我去试。但鉴于我地都系食开浓味油腻野，所以无动力去食，而家终于有个咁大既藉口去try 1 try 佢。碎牛蚝仔粥先上枱，粥底唔算煲得绵，但好够味。蚝仔鲜甜同算大只，份量都唔少，碎牛腌得好入味，但食得出都用左几多味精。艇仔粥无碎牛蚝仔粥咁惹味，无预先腌味，鱿鱼须猪皮份量都满足到我。炸两的确麻麻，不过可能我地食晒个粥先食佢，究竟系黎既时候已经冻定系我地放到冻左都无办法深究，不过可以讲既系啲皮的确好厚，油炸鬼已经淋晒，唯一可赞系豉油甜甜地几好味。可能因为唔舒服，我食左2旧就无食了，全部男友包底。其实份量真系唔少野，碟炸两都好大碟，粥同只碟拍埋，size 真系差不多，依餐食得饱饱都系70蚊，抵食！