影片
更多
2023-01-10
884 浏览
餐厅有Omakase同铁板烧供选择，所以有分为寿司区同铁板烧区域。一出䢂就见到清一色嘅包房，私隐度超高。当晚一行十多人，包了两间房(相信系打通咗）用餐空间宽阔舒适，私隐度极高！一般铁板餐嘅长枱如人数较多会令客人难以沟通，但呢度完全冇呢个问题！餐厅每个包箱空间系圆形设计，连铁板枱同用餐枱都系圆形设计，大大增加客人与客人之间嘅亲密度，环境舒服又高级。当日一行十多人均拣咗铁板套餐，分别由两位师傅负责。🥗沙律一上到枱时未望清楚以为系普通嘅沙律菜+蕃茄，望真啲原来系超爽口嘅切片嘅莲雾，加埋芝麻酱食真系超夹又唔hea!!!!✨前菜系吞拿鱼蓉+脆脆嘅鳕鱼片，味道正常，不过上到枱吞拿鱼蓉上嘅葱花已经散晒～✨之后系大过拳头嘅鲍鱼，鲍鱼一啲都唔韧，而且仲煎到好有镬气🦞龙虾沾满龙虾膏，见到师傅将龙虾膏制成酱汁，再同龙虾一齐炒龙虾十分新鲜，爽口弹牙。😋！！而且龙虾头部份都冇浪费到，拎咗去煲汤。✨当日上虾个阵我行咗去到隔离枱倾计，所以食个时已经冻晒，就唔写食评啦～✨白金鲷鱼鱼肉质好嫰滑，鱼鳞脆口，碟上嘅白芡系鱼汤黎，鲜味十足，两者食落非常夹！✨鹅肝我唔食，所以送咗俾友人食。✨处理鹅肝之前师傅已经煮紧个清酒煮蚬嘅
所以有分为寿司区同铁板烧区域。
一出䢂就见到清一色嘅包房，私隐度超高。
当晚一行十多人，包了两间房(相信系打通咗）
用餐空间宽阔舒适，私隐度极高！
一般铁板餐嘅长枱如人数较多会令客人难以沟通，
但呢度完全冇呢个问题！
餐厅每个包箱空间系圆形设计，连铁板枱同用餐枱都系圆形设计，
大大增加客人与客人之间嘅亲密度，环境舒服又高级。
当日一行十多人均拣咗铁板套餐，分别由两位师傅负责。
🥗沙律一上到枱时未望清楚以为系普通嘅沙律菜+蕃茄，望真啲原来系超爽口嘅切片嘅莲雾，
加埋芝麻酱食真系超夹又唔hea!!!!
✨前菜系吞拿鱼蓉+脆脆嘅鳕鱼片，
味道正常，不过上到枱吞拿鱼蓉上嘅葱花已经散晒～
✨之后系大过拳头嘅鲍鱼，鲍鱼一啲都唔韧，而且仲煎到好有镬气
🦞龙虾沾满龙虾膏，见到师傅将龙虾膏制成酱汁，再同龙虾一齐炒
龙虾十分新鲜，爽口弹牙。😋！！
而且龙虾头部份都冇浪费到，拎咗去煲汤。
✨当日上虾个阵我行咗去到隔离枱倾计，所以食个时已经冻晒，就唔写食评啦～
✨白金鲷鱼
鱼肉质好嫰滑，鱼鳞脆口，碟上嘅白芡系鱼汤黎，鲜味十足，两者食落非常夹！
✨鹅肝我唔食，所以送咗俾友人食。
✨处理鹅肝之前师傅已经煮紧个清酒煮蚬嘅汤底，感觉十分用心。
啲蚬一开壳，师傅就即刻拎出嚟，所以熟度真系刚刚好，咬落爆晒汁，而且啲肉系劲嫩！
面头嘅柚子皮令成碗汤加分不少！！👍🏻👍🏻
🥩佐贺和牛
煮前师傅会问会几成熟，我点了五成。
切成一口SIZE好易入口，外脆内软，油脂丰富！
旁边嘅蒜头我非常欣赏，佢系切到好薄好薄个种，食落蒜味唔重，令和牛加分不少！
🦞龙虾汤面豉汤
岩岩用净落黎嘅龙虾头汤，味道正常。
🍚炒饭
饭上面冇一粒煎蛋，呢个做法非常少见，但我觉得蛋液令个饭好食咗。
🍦甜品系黄糖多士+雪糕
不过多士有啲过火，边边位苦苦的。
张贴
