雪龍湯 (已結業)

朋友好钟意饮说浓汤，上open rice见到呢间餐厅个名，于是乎谂都无谂就黎试吓啦！点知黎到门口，发现餐厅嘅外观似乎系同雪浓汤完全冇关系嘅，呢度嘅装修好时尚，好似一间清吧。入到去餐厅，员工嘅招待好友善， 伴随着Big Bang嘅摇滚歌曲！气氛嘅影响之下，似乎想饮酒多啲。。但系可惜今日朋友揸咗车。。最后决定试吓佢哋嘅水果特饮，加埋佢哋嘅特色乌冬。水果特饮，散发住阵阵嘅水果味。好清新。我叫左蟹钳乌冬，汤底应该系牛肉汤，因为见到汤有好多牛肉碎。好浓味，而且蟹钳嘅份量都算多，有6只！味道几好。而朋友叫嘅广岛蚝乌冬，啲蚝都好大只，偷左佢一只黎试，好肥美，鲜味。最后餐厅仲送咗两个雪糕球俾我哋，好开心嘅一餐晚餐。