影片
更多
2022-12-06
1573 浏览
近排每逢周中，老婆都要返学，所以，就约啲朋友出嚟食吓饭，但今次就专登等埋佢放学，同佢食餐好嘢，因为，早前晌IG睇到呢一家波希米亚风嘅餐厅，装修好，食物嘅风评亦好唔错，故此，先带佢一试。 餐厅嘅位置好方便，一出地铁唔使一分钟就行到去，加上门面亮丽，一眼就认到。唔喺讲笑，等埋老婆放学都成8:30pm，呢个钟数都9乘几满，好在我哋得两个，唔使等，如果多一个都需要等张4人枱。 餐厅嘅环境确喺几特别，虽然，唔喺好知点为止喺波希米亚风，但感觉好舒服，一室以白色为主调，衬以一墙植物画作，加入别致嘅吊灯同墙灯，感觉清新，小弟就觉得好有文青风。 自主啲，就梗喺晌散点餐牌落手啦，所以，先贴出嚟俾大家参考吓。选择非常多，由沙律、汤品、头盘、主食至甜品，都一应俱全。 当然，饮品款式亦多，基本嘅茶啡柠水就梗架啦，仲有唔同嘅特色咖啡、乳酪系列、朱古力系列、梳打系列、奶昔系列，实在选择多多，又唔简单。 想悭啲，又唔想太烦，就一于拣套餐啦，一人套餐就随餐包是日餐汤/沙律及饮品，而定价视乎所拣嘅主菜，由$102-$228，更有好多追加、升级优惠，弹性非常之大。 此外，仲有一款二人套餐，其实都好抵，$408而已，已包是日
餐厅嘅位置好方便，一出地铁唔使一分钟就行到去，加上门面亮丽，一眼就认到。唔喺讲笑，等埋老婆放学都成8:30pm，呢个钟数都9乘几满，好在我哋得两个，唔使等，如果多一个都需要等张4人枱。
餐厅嘅环境确喺几特别，虽然，唔喺好知点为止喺波希米亚风，但感觉好舒服，一室以白色为主调，衬以一墙植物画作，加入别致嘅吊灯同墙灯，感觉清新，小弟就觉得好有文青风。
自主啲，就梗喺晌散点餐牌落手啦，所以，先贴出嚟俾大家参考吓。选择非常多，由沙律、汤品、头盘、主食至甜品，都一应俱全。
当然，饮品款式亦多，基本嘅茶啡柠水就梗架啦，仲有唔同嘅特色咖啡、乳酪系列、朱古力系列、梳打系列、奶昔系列，实在选择多多，又唔简单。
想悭啲，又唔想太烦，就一于拣套餐啦，一人套餐就随餐包是日餐汤/沙律及饮品，而定价视乎所拣嘅主菜，由$102-$228，更有好多追加、升级优惠，弹性非常之大。
此外，仲有一款二人套餐，其实都好抵，$408而已，已包是日餐汤/沙律及饮品，前菜、两客主食、甜品，同样有追加、升级优惠，只不过前菜、主食嘅选择无咁多啫。所以，我哋都喺晌一人套餐中去拣，比较多选择。
基本嘅餐具已放咗晌枱边，侍应都不时为我哋添水，见我哋都拣热饮，加上近期天气寒寒哋，随后仲帮我哋换上热水，招呼真喺有用心，仲好好礼貌。
蒜蓉焗生蚝 +$38套餐餐牌中有6款头盘可以追加，比散点平少少，炸嘢或太油嘅老娑就唔啱，正好有款焗生蚝啱佢，因为佢都钟意食蚝，但健康问题生蚝就唔敢食，所以，少少哋就点两只试试。就喺简简单单两只焗生蚝，面头铺满蒜蓉，入口热焫焫，好熨口，焗过之后，蚝肉就少少缩水，肉唔太多，而蒜蓉打得细碎，蒜味澎湃，但仍食到蚝味十足。
蒜蓉焗生蚝
26 浏览
0 赞好
0 留言
是日餐汤今晚嘅餐汤喺粟米汤，当然就唔喺平常讲紧罐头𠮶啲啦，汤身打得好滑溜，一口饮落就瀡落喉咙，而且，粟米嘅清甜味亦好突出，可以讲平凡中嘅不平凡，普通嘢都喺用心之作。
法式蟹肉龙虾汤 +$38另一客餐汤就升吓级改要龙虾汤，睇色泽就非常对办，细尝一口，果然好「龙虾」，𠮶阵阵虾味好浓郁，后续力强，饮完隔咗段时间你都仲觉得口腔有好强烈嘅龙虾味；此外，汤内坚有蟹肉，虽然唔多，但都绝无欺场。
法式蟹肉龙虾汤
26 浏览
0 赞好
0 留言
香蒜白酒蚬扁意粉 $118呢道菜不时都晌晚餐出现，做得好唔好都在乎啲蚬够唔够鲜，睇样啲蚬就大大只，就先试试佢，果然喺新鲜货，唔单止有鲜味，仲有少少海水嘅咸味，充满蒜香，微微嘅白酒渗出嚟，亦处理得好，食落唔会有沙；扁意粉亦煮到恰当好处，柔韧有咬口，质感好对办。
比目鱼扒黑松露意大利饭 $138另一道煎比目鱼就喺老婆心水，大大件鱼柳煎得金黄，简单煎香下盐调味而已，食出鱼肉嘅真味。而我成日都话，试一家餐厅，意大利饭喺其中一道最易试到师傅功夫嘅菜式，单睇外观感觉就好对办，食落去，饭粒既做到湿润，又有种烟韧咬口嘅口感，而且，黑松露落得无手紧，每口都充满黑松露嘅香气，抵赞。
比目鱼扒黑松露意大利饭
$138
28 浏览
0 赞好
0 留言
香茅生姜蜜天冷冷就当然拣热饮，而基本餐饮有呢一款生姜蜜真喺劲啱佢，仲要加香茅，佢话香茅配生姜，阵味都好夹吓，带点蜜糖嘅天然甜味，入口真喺好舒服，饮完更喺有份「暖笠笠」之感。
香茅生姜蜜
9 浏览
0 赞好
0 留言
改选其他特色饮品有半价优惠，加上衬番两道加配嘅甜品，所以，试试佢哋啲意式咖啡。先讲拉花，虽未至完美，但都有板有眼㖞，无搅过之下，入口口感够均匀，细滑香醇，冲泡嘅手势有一手，配甜品真喺无得顶。
提拉米苏 +$48好耐无食过「提拉米苏」，突然有种瘾起感。以一个精致玻璃罂盛载，亦都几大份，加少少蓝莓同薄荷叶做装饰，卖相都几靓，其实，木盆仲有少少干花作点缀，不过，玻璃盖遮咗就有啲嘥。然而，讲番件蛋糕，确喺高质素，中间嘅马卡风芝士打得好绵滑，渗出微微芝士香，里面用上海绵蛋糕，非手指饼，但最紧要浸得够湿润，带出咖啡香。
朱古心太软配雪糕 +$48早前去马湾环岛游，食咗个出色嘅心太软，老婆就想再回味，所以，甜品都想追加一道心太软。份心太软做得都相当精致，加入好多色彩缤纷嘅脆米做装饰，佐以云呢嗱雪糕，睇见都开怀。惯例切开睇睇流唔流心，有相为证，流心度十足，而外壳焗到有少少脆口，里面嘅朱古力浆味道好浓郁，夹埋雪糕一齐食，真喺好食，同样喺高水准之作。
朱古心太软配雪糕
11 浏览
0 赞好
0 留言
整顿饭，我同老婆都非常满意，真喺无乜挑剔位，食得出制作用心，食材又够质素，环境又几舒服，带点小清新，值得再翻兜。
张贴
