樂天皇朝 (已結業)

上次食完乐天经典之后，心思思想试埋乐天皇朝。咁啱今日约咗朋友去尖沙咀食饭，就毫不犹豫相约去乐天皇朝。个餐牌真系好多选择，有好多野想试。酱醋海蜇头海蜇头好爽脆又好入味，海蜇头都几大块，唔会碎湿湿。芝麻酱油麦菜完全冇谂过油麦菜可以生食㗎！超新鲜，冇草腥味，同芝麻酱超配，个味有d似罗马生菜。心太软女孩子必爱！红枣好甜，中间粒汤圆软硬度刚刚好，其实可以当甜品食。唔知自己系屋企整唔整到呢松子鲜果桂鱼其实松子鱼系小编爸爸妈妈最钟意食嘅一样𩠌，但系坊间好多都整得麻麻地。今次呢个松子鱼个卖相真系好靓，条鱼都算大条，个浆唔会太厚，炸得好脆，条鱼又好新鲜，一啲腥味都冇！下次一定要带爸爸妈妈嚟试吓四川水煮牛肉我哋叫咗个中辣嘅四川水煮牛肉，我觉得个辣度啱啱好（大概系谭仔米线嘅五小辣啦）。啲牛肉都整得几滑，不过最正系𠮶啲入晒味嘅薯粉，最初食第一啖都唔觉得好辣，第二啖就开始觉得有啲麻，啲薯粉嘅份量都几多，其实可以当埋一份面食。特色皇朝小笼包小笼包嘅卖相真系好吸引，每一个颜色都系唔同嘅味道，小编试咗个人参味小笼包，食落去真系有啲人参味，值得一试。今餐真系食得好开心又有好多惊喜，下次一定要带一家老少嚟试吓