糙米家 (已結業)

系香港区返工,呢日要成8点先放工...orz咁晏放工, 想快d食饭又唔想去铜锣湾果d多人地区, 就黎到北角揾食七姊妹道附近都食都几多餐厅,今日就试下糙米家! 一出北角站B4出口斜对面就见到，好易揾。一入店舖，感觉好清新，有棵假树在一角装饰，座位都算宽敞我同男朋友叫了忌廉汁烟三文鱼焗长通粉($68)同埋南瓜猪扒糙米饭($56+$3(焗饭))焗长通粉就不过不失啦,虽然系芝士焗忌廉汁,但食落唔会"漏",旁边配菜绝对唔系hea hea青豆红萝卜!至于个猪扒饭，真系要赞！！首先想分享下,我其实唔中意食猪扒饭的!!!讲起焗猪扒饭，相信大家都会谂起快餐店个大哥焗猪扒饭，但我就觉得好好肥腻喇...唔知大家有无同我一样，每次食亲都会刮走猪扒表面果块「皮」，虽然听讲系蛋浆!?但就觉得系一层皮，又淋又唔香.....而糙米家绝对令我对猪扒饭改观！我选择ge系南瓜汁，食过真系唔想返转头食「茄膏捞饭」啊！佢个糙米饭系用左红米+黑米+糙米+白米煮，食得健康之余，口感丰富绝对唔会输比「炒饭底」！而块猪扒呢！煎得香之余，软硬度适中，最重要当然无我最怕ge「蛋浆」啦！整体黎讲好满意，食材健康得黎份量都好足够，男士食都够饱