漁樂 (已結業)

我地嗌咗炸蚝同一年得几造嘅赤米虾 炸赤米虾同炸蚝都好好食！赤米虾嘅虾味非常香浓。老板将原只虾炸得金黄酥脆，可以连虾壳都食埋，配酒一流！外皮香脆但内里依然保留肉汁，而且一啲油腻感都冇。配埋沙律酱、酸瓜、生菜丝同些少生果，俾你开胃同refresh 下。 老板话炸蚝选用广岛蚝。大只得来肉质creamy。同样炸蚝都系得一层薄薄嘅炸衣，外皮都非常脆口，而内里蚝嘅生熟程度控制得啱啱好，唔会炸到干争争，食嘅时候仲爆汁添。两款炸物都非常之好食。同普通市面上见到嘅炸物与别不同，食完完全冇油腻感，可以见到老板摆咗好多心机落去。老板Ronald亦都好健谈，会亲自同客人介绍每项炸物同有咩啤酒适合。 老板亦都非常之钟意听意见，希望为顾客提供最好嘅用餐体验。一路食一路倾计，情同街坊，呢种人情味系香港绝无仅有。另外装修风格独特，怀旧同玩味融合得好好。