野玩田店 (已搬遷) 新店位置

同朋友庆祝生日，拣间特别d嘅西餐厅食餐饭聚一聚。未入餐厅已感到好有田园气息，门口种咗好多一盘盘水耕菜。餐厅入面以木制枱櫈为主，枱櫈排得整整齐齐感觉有d似学校canteen 。餐汤用忌廉做咗个笑哈哈装饰，南瓜味浓，质地细滑好creamy。水耕菜款式多，款款都够新鲜，慢煮鸡胸肉质幼嫩多汁，白果醋甜酸味适中。慢煮和牛面嫩滑得嚟有嚼口，牛面牛味重，韩式牛肉汁偏甜，配菜甜蕃薯焗得香脆，泡菜则无特别。蟹饼炸得太干，蟹肉份量多，每啖都食到蟹嘅鲜甜味，芒果乳酪汁同蟹肉好夹但份量太少。朱古力mousse及brownie 朱古力味浓，甜度适中。