沖繩漁民食堂

营业中

休息中

之前路经呢间冲绳渔民食堂，见到门面都几靓，所以今日就嚟咗感受下冲绳嘅简约食堂。呢度就好似日式小区内嘅小店一样，选择不多，食材亦都简单，有丼饭或赞岐乌冬可供选择。枱上面放咗七味粉，如果食乌冬就最啱不过啦！照烧鸡翼温泉蛋饭大大碟，女士们其实可以选择少饭。佢嘅温泉蛋做得非常出色，用嚟捞饭真系冇得输。我呢个照烧鸡翼温泉蛋总共有三只照烧鸡翼，鸡翼用半煎炸嘅烹煮方法，味道不错。另外仲叫咗吉列猪扒温泉蛋饭，饭底同温泉蛋同前者大致相同。吉列猪扒好大块，店员已经将猪扒切成条状，方便食客享用。吉列猪扒不厚不薄，而且唔会有太多脂肪嘅部份。跟餐仲会包埋饮品，可以选择可乐、雪碧、或者纸包装甘蔗汁，因为唔太钟意饮汽水，所以我哋选择咗甘蔗汁。虽然呢度嘅食物都系好简单，但亦好似日式小店咁会有简单嘅摆盘，而且价钱亦都非常相宜，如果想简单食返一餐，呢度都系一个好选择。