紅粉佳人 (已結業)

放工后约左朋友到油麻地食饭聊天，今次朋友带我黎到呢间十分浪漫的西餐厅食西餐。餐厅环境十分浪漫，灯光有点暗十分岩情侣拍拖食饭倾计。餐包除了提供了牛油外还提供了吞拿鱼酱，怕肥既女士可以试下吞拿鱼酱，感觉没有咁油腻。酥皮焗龙虾汤&酥皮焗海鲜汤 两款汤都是即叫即焗，上菜时都热辣辣，揭开酥皮汤入面用料十足，汤味十分浓郁及幼滑。加上酥皮一齐食又有汤的浓浓海鲜味道又有酥皮的脆同埋烟韧十分可口。龙利柳伴烤海虾配芒果杏仁忌廉汁($108)龙利柳煎得十分好，除了表面有少少焦香外，也好好咁锁左肉汁系鱼柳入面。再加上餐厅特配的芒果杏仁忌廉汁，除了带了一点甜及酸的味道外还消除了煎龙利柳的油腻，有一股清新又开胃的味道。香焗意式香草烟三文鱼海鲜天使面($138)侍应帮我地剪开锡纸已经见到好多海鲜料系上面，用钖纸可以保持到食物既温度，同埋系焗既过程可以慢慢令食物变熟，肉质保持嫩滑，肉汁也可以好好地留在食物当中。天使面十分淋及吸收左海鲜同埋酱汁既味道，十分惹味。