麵包秀 (德興大廈) (已結業)

近日确诊人数激增，节日饭局唔系取消就缩减，上周为姨丈庆生嘅蛋糕都唔敢一早订定，结果等到食饭当日先喺公司附近间「面包秀」拣咗个现成嘅。源自台湾嘅西饼店宽广企理，除咗面包之外，透明玻璃雪柜陈列出不少原个及件装西饼款式。一人身兼多职嘅收银姐姐友善且效率高，选定蛋糕迅即以饼盒及纸袋包装好。薄荷之恋（$198）：粉绿色嘅薄荷朱古力蛋糕鲜丽夺目，配备嘅金色蜡烛亦好高雅，美中不足就系店子冇提供即场唧制朱古力生日牌嘅服务。层次分明嘅朱古力蛋糕松润甜美，混入脆脆嘅朱古力碎成功增添口感，薄荷味忌廉清新芳香得很。连锁饼店「面包秀」光鲜企理，服务优良，诚意推介清新可口嘅薄荷朱古力蛋糕「薄荷之恋」！