品臻 (太子藍馬之城) (已結業)

今日有事到太子，正行到身水身汗，心谂最好有啲冻嘢饮，咁啱就俾我睇到呢间品臻，望一望餐牌，原来系卖台湾嘢的。肚唔饿，净系想饮嘢，所以就专注揾啲特别啲嘢饮。台湾饮品来来去去都系𠮶啲嘢，本来想要杯白桃冰沙，跟住俾我睇到呢个从来未饮过嘅蓝蝶花荔枝汁，咁就决定试一试佢喇！因为唔系食饭时间，冇人等外卖，所以几分钟后就攞到我杯饮品。睇落去卖相非常之靓，加埋啲爆珠，好睇又好饮。唯一问题系唔记得问可唔可以调校甜度，个人嚟讲觉得啲荔枝汁甜咗少少，但系可以接受。下次有机会经过会继续试佢其他的饮品或小食。