Coffeelin (高街) (已結業)

慢步係高街上，遠距離一望就見到呢間咖啡店，突出嘅牛油果🥑色系外牆，非常之吸引途人目光。大部份女仔喺呢度打卡，的確我都好鍾意！餐牌基本上嘅食物同咖啡飲料都可以喺呢塊木板見到，唯獨係餐廳定期都會有啲特色嘅咖啡或者食物，每次嚟可能都會有新嘅驚喜！喜歡探索特別野嘅你，應該同我一樣會喜歡HOT LING BLACK😎 主要以果香味多嘅black coffee去做Base，搭配蜜漬檸檬，為果酸味嘅咖啡帶點甜蜜清新嘅香味，甜蜜蜜蜜之餘，保留點苦澀味，有啲似拍拖嘅感覺？兩人甜蜜嘅相處中😚另一半少不免有搗蛋嘅時候，激到你嬲嬲豬🥲你試完話我知係咪有啲似呢😂Classic Ham and Cheese Panini長條形包包包住Ham Cheese，再用鐵板煎壓成，熱辣辣唷！三文治外皮香脆，配埋蕃茄Ham Cheese一齊食，一啲都唔dry!!!好味之餘，仲好飽肚🤪咖啡店有幾個款式意式雪糕供選擇，飲飲下咖啡想食啲甜品就係一個唔錯嘅選擇啦！隔住個玻璃咁睇已經好吸引啦！除此之外，咖啡店仲有好多唔同款式嘅自家製蛋糕甜品，全部都係佢哋親手做！樣子都好吸引，可惜太飽啦！下次再品嚐一下！仲可以買返少少果醬返屋企搽麵包！