반찬앤쿡 Banchan and Cook (時代廣場) (已結業)

终于放宽晚市堂食了！开心星期五来时代广场shopping，一早book定哩间小清新韩国cafe，好挂住佢既炸鸡！叫左蜂蜜无骨炸鸡(半份), 之前食过另一分店既炸鸡已经觉得好好食！一来冇骨啖啖肉，好方便，二来炸鸡炸得刚好唔会厚皮, 鸡肉炸得爽脆，同甜甜蜂蜜味好match! 烤牛肉蛋包饭, 有专人同你切开个饭，啲蛋汁漏哂出黎，入面系炒饭，牛肉好入味，啖啖都有蛋汁好浓郁！青口海鲜炒年糕, 一粒粒状既年糕好烟韧，又可爱，大虎虾超新鲜，仲有青口同带子！海鲜汁好rich！韩式猪手沙律，份量超多，猪手好惹味，配埋沙律健康又好食！杂莓牛角包窝夫超香口，牛油味好出，水果新鲜！饮品叫了抹茶鲜奶，好香滑，同埋士多啤梨红桑子梳打，不会太甜，渐变颜色打卡一流！