Lava Java 咖啡西餐廳 (已結業)

系观塘番工既好处又系可以系工厦觅食，今日就同FD好random黎到呢到！可能系星期一，人唔算大太，而且呢到系以木色同绿色调为主，所以感觉都几舒服。夜晚有DinnerSet，虽然价钱唔算好平，但啲 Main Course 都几吸引，咁我地就紧系直接点Set唔洗烦啦！头盘我地点左野菌忌廉汤同埋一口法式田螺酥盒。 先讲我最钟意饮既野菌忌廉汤，呢个汤都好浓野菌味，而且佢浓稠得黎又唔会好漏，所以都唔错。至于个法式田螺酥盒都几好味，酥盒好香脆松化，田螺连埋芝士一齐焗，味道都好配。 先黎既Main Course系法式烧春鸡 $206，烧春鸡既鸡样烧到皮薄香脆又唔会好干身，虽然佢既Size唔太大，但整体肉质好嫩滑，而且好Juicy都惹味，都算几高质。 至于软壳蟹南瓜意大利饭 $168 都好有惊喜，南瓜意大利饭除左有好浓既南瓜味，仲有少少甜甜地既日式咖哩味，令到整个饭更香口，而且佢意大饭既淋到岩岩好；另外个软壳蟹都炸得好香脆同埋唔会成口油，配埋个饭食都好好味。