B.Two House (已結業)

餐厅麻雀虽小，五脏俱全，有一种清新既少女风味。我叫左个B餐，系有浓汤同甜品食，餐厅都有提供热茶。个杯都系特制杯，印左餐厅既logo .餐汤系烟肉忌廉蔬菜汤。浓汤既材料好丰富，除左有烟肉外，仲有好多种蔬菜，蔬菜都切到细细粒粒，方便入口，蔬菜吸收左忌廉汤既味道，加埋烟肉既香味同蔬菜爽口既感觉，整体都几好食。主角黎啦！系我最爱既烟三文鱼配忌廉芝士bagel ，自从系美国食过后就好挂住bagel 啦。Bagel 口感烟韧，软中带硬，同系美国食既bagel 一样，好好食。烟三文鱼同忌廉芝士依个经典组合好正，忌廉芝士香滑，带著柔和既奶味同咸味，烟三文鱼就好香好好食。bagel 入面仲有番茄同生菜，中和左忌廉芝士既腻度，增加左清新既感觉。个餐仲有埋甜品食！系朱古力蛋糕，蛋糕甜度刚好，唔会好腻、口感松软，够湿润。