Pause It

营业中

休息中

又系来开荔枝角开会嘅日子，虽然自己一个人食lunch，但系都想开部电脑静静地做吓嘢食吓嘢，呢边嘅同事介绍咗呢间楼上嘅Cafe，估唔到工业大厦入边有一间感觉咁清新嘅Cafe，全间餐厅白色装修，一入去就已经觉得好舒服。一坐低未谂到食乜，先来杯Cappuccino醒吓神，一送上嚟嘅时候见到咁靓嘅拉花，真系忍唔住打吓卡影多两张相，味道亦都好浓郁，咖啡味够香。叫咗个蟹肉牛油果沙律加咗三文鱼，食沙律我觉得最紧要系酱汁，呢度酱汁好多，食落酸酸甜甜特别开胃，沙律非常多配料，超多蟹肉，牛油果完整嘅半个，三文鱼做到成朵花咁，好睇又好食。估唔到西式Cafe可以食到中式嘅嘢，呢个咸蛋黄鸡翼非常有惊喜，超级多咸蛋黄，入口脆卜卜，味道咸咸香香，鸡亦好嫩滑仲要系新鲜炸起，非常好食。