祥仔 (K11購物藝術館)

营业中

休息中

好耐冇出街食嘢啦，今日放工华生话要出去食嘢，约咗喺K11集合，经过呢间祥仔，响长沙湾个间食过2次，觉得好味，可以介绍华生食，于是就决定响呢间食。想再食粟米星班饭，可惜晏昼午餐先至有，晚餐冇得食...咁就拣咗个扒餐、一个沙律、乳鸽。烟熏鱼柳配鲜果沙律$68沙律摆盘颜色好靓，水果新鲜味道清新，鱼柳热辣辣，腍得来有质感冇腥味，出乎意料咁好食祥仔秘制瑞士乳鸽$108乳鸽又系另一惊喜，柔若无骨嘅乳鸽，瑞士汁又香入晒味，滋味得来味道啱啱好铁板食物加 $28可以升级套餐 ，就有罗宋汤+饮品。 呢个两日两夜罗宋汤好似好出名，侍应话冇牛肉所以我都有饮，饮落去好顺喉，鲜香甜美，好味。沙丹猪扒$158材料好丰富，除咗猪扒，有新鲜白蘑菇、粟米、车厘茄、火腿、太阳蛋、焗薯、洋葱、三色椒...店员帮忙把酱汁淋上，热辣辣鐡板发出吱吱声，香味四溢。焗薯配上忌廉汁同烟肉碎，好味开胃。厚厚的嘅猪扒2个人分享，猪扒又腍又湿润，肉香丰富，真不错。新鲜菠罗冰$20餐饮加$20改咗特饮，入面有新鲜菠萝，充满菠萝嘅清香，味道清新又解腻。