Y Pasta

一行入去就有一种好清新嘅感觉，装潢纯粹简约白色系配绿色植物，门口有吧枱位对住商场平台，而我坐个张枱系靠边位，旁边会有一道扇形窗，透光环境令人好舒服！公众假期以及星期六日（ 11：30-16：00 ）有Brunch menu , 主菜包餐汤、饮品， 如果想要其他汤款或者饮品就额外加钱。餐汤系香浓野菌汤，仲有得加钱要酥皮😍而家唔系间间餐厅有酥皮汤架啦！QB明太子帆立贝天使面虽然餐牌写住意粉，但喺app落单时可以免费转扁意粉／ 天使面 ／长通粉👏 另外仲有四款手制要加钱， 真系第一次见到有咁多款选择， 特别有惊喜！ 最后我择咗天使面，口感细致柔软，明太子味道咸香加上忌廉够creamy ，好食！烧烤酱慢烤美国猪肋骨 猪肋骨伴粗薯条、沙律，单睇摆盘已经觉得好丰富 ， 沙律有大量紫椰菜、椰菜丝 、萝卜丝 ，健康得嚟仲觉得好有诚意！猪肋骨轻轻一切已经能够骨肉分离，可以话完全唔洗用力，证明肉质超级腍，加上烧烤酱渗透晒入肉里面，非常之入味！热香浓朱古力牛奶 有拉花 入口顺滑 朱古力味挺浓！