蔦 (已結業)

今日收工经过而又见到唔使排队就去试下哩间米芝莲一星嘅日本拉面店喇店内环境走简约时尚路线，食客都系坐吧台，围住班厨师煮面/预备食材。唔知点解落单嘅时候店员会同我地讲国语，可能尖沙嘴真系太多游客帮衬😅😅见到有松露酱好似好特别，所以决定试下。叫左个酱油味玉拉面，汤底好清，唔似平时啲猪骨浓汤，饮落去一啲都唔腻，一开始以为会平平无奇，但系饮落又有好丰富嘅味道，之后再捞匀啲松露酱，味道突然间变得好浓郁，简直系另一种风味😃😃，系食到最后剩番啲汤再饮就会觉得有啲太浓味喇😛面系用似荞麦面嘅幼面，入口好滑，同个汤几夹，够入味但系未至于好弹牙温泉蛋火候控制得几好，唔会太熟，味道都唔错，唔会太浓味一开始以为得一块叉烧会唔够喉，但系食落又啱啱好㖞～我几欣赏哩块大大块唔太肥又几嫩滑同好口感嘅叉烧价钱系比一般拉面贵少少，胜价比唔高，但未至于完全唔值哩个价我觉得冬天食哩个拉面都几好，份量适中，温度啱啱好可以暖粒粒咁饮晒成碗汤又唔会热到入唔到口，虽然系坐吧台，但系都坐得几舒服，总括而言系个几唔错嘅体验😊