老街 (已搬遷) 新店位置

我地叫左2个主食，有个卤肉饭，冇影到相就食左。卤肉系大粒有肥膏果种，唔系杂肉躁，钟唔钟意好视乎个人口味。味道偏淡，略嫌肉躁唔够多，但饭量好够。炸豆腐拼盐酥鸡豆腐好滑，薄皮都算脆，酱汁酸酸甜甜几开胃。鸡炸得香口，但略嫌有d老，但大大旧味道尚可。红烧牛肉面，汤有少少油，但唔会太肥腻。味道好清淡，如果期待好香浓既牛肉汤头，可能会失望啦牛肉中等份量，尚算软熟。不能不提我叫左杯桂花冰梅汁，真系好伏，佢冇桂花味，净系好浓烈既药水味，我唔知冰梅系咪真系咁既味，但我最后冇办法饮哂佢。可能原本期待几高，所以最后有d失望，不过成餐水准都唔系差，只能讲不过不失。