Ben哥米線

营业中

休息中

芫茜菠菜汤米线配菜：芫茜、蒜香猪红、啫喱猪软骨个面一嚟到成个面都系个汤芫茜菠菜打碎嘅青绿色，所以一路食面个阵面会有呢啲碎渣挂住面上面，呢个样对于怕青人士嚟讲应该相当惊吓😂🍲汤底底味似系普通食港式汤底嘅清汤，加上有淡淡菠菜同芫茜嘅味道，唔浓烈，如果当日想食清清地其实系个唔错嘅选择。由于小编系芫茜控，生芫茜味道同香气上一定重过熟嘅，所以其中一项配料加咗芫茜，令成个芫茜味升华返～但啲芫茜可能冇晾干透，所以有啲啲嗡味🫢🐽蒜味猪红，猪红表面会包住一层偏透明又少少杰身嘅蒜酱，好轻微嘅辣，食落觉得有啲似胶袋捞冷面小食个种蒜蓉味，猪红正常发挥，唔会有怪味，同埋唔会好松散，会食得返猪红嘅质感🍖而个啫喱猪软骨，本身系比「啫喱」两个字所吸引，对于猪软骨要炆到啲骨好软，呈啫喱胶质口感，定系有少咬口脆骨口感，呢两种口感小编都会食，但会偏好胶质多啲。但呢个啫喱猪软骨系完全冇做到胶质个质感，系属于脆骨个边🤥，而味道方面系合格嘅，同埋都入味。