一心素食 (已結業)

过完年食过太多油腻野，都会觉得好饱饱滞滞咁，过完年后回复正常生活就揾下D清淡既素食调节一下身体。是日走过黎官塘和朋友一齐黎试下呢间素食餐厅。餐厅既素食有好多种类，想食多D既仲有自助餐，我地两个人就拣左晚市套餐，有前菜有汤仲有野饮，每份都系$89，真系好抵。前菜有生果有汤，红汤同白汤水准都唔错，生果方面都几新鲜，可以开开胃。另外仲叫左一杯热朱古力同大韩姜蜜，大韩姜蜜姜味同埋甜味都配合得几好，饮完个人都好暖。主菜特色鲜蔬奄列炒饭呢个炒饭份量真系好多，入面有好多唔同既蔬菜材料，加上一层厚厚既蛋皮，食完蛋加上入面既炒饭，系唔错既口感，仲有跟饭既新鲜沙律，食完炒饭可以帮助消化。牛蒡水饺杂菜锅汤底十分清，都系蔬菜既鲜甜味道，没有一点味精味，有水饺，冬菇，藕丝同埋菜，材料十分多，有藕丝会有足够既饱肚感觉，又不会觉得滞。跟餐仲有饭后甜品，芒果千层蛋糕十分软身，食落好滑身，喜欢芒果既朋友要一试。 仲有一款中式既雪梨糖水系呢D咁冻既天气真系好滋润。好少有素食餐厅可以咁高性价比，晚市套餐份量多，小菜甜品都有十分超值。想再食素既时候一定会再黎。