藝 ‧ 文食館 (已結業)

而家好多人都话要健康，食物多菜少肉，少盐，少油。一位三分钟热度想健康又唔会带饭嘅同事提意嚟呢间有肉又可素食调味简单又健康嘅餐厅食午餐。大概点半左右餐厅客人唔多，位置唔多枱唔会太密，有空间感，布置简单清雅，午餐有素食可选择，即使唔食素亦有健康嘅糙米选择。食物味道对我嚟讲淡，比较适合口味清淡健康嘅人。红蒜子汁虾球蟹柳炒意大利面，有三件虾仁同三段蟹柳，味道可以。黑松露菌酱素杂菜炒意大利面，黑松露味食唔出，调味太少但又比上面𠮶个意粉多油。香草龙虾汁一级龙脷柳配有机糙米饭，鱼同汁都唔错，配有唔同嘅蔬菜，两款饭口感有啲怪，无味但有啲湿。蜂花蜜汁比目鱼配有机糙米饭，鱼肉好滑。饮品选择少。