影片
更多
2009-07-01
76 浏览
曾经食过几次翡翠拉面，觉得食物普通得不能再普通，实在不明点解成日都排咁长龙。之后都有一段时间冇去过，宁愿食啲平啲或者贵啲但更好食既野，而朋友每次话去的时候我都会游说佢去第二度。是晚系中环见完一班新来的小朋友后，唔知去边度食好。系国金度如果唔想驶太多，又唔想沦落去老麦或canteen的话，其实都真系得翡拉...。安娜同学话佢食过几间翡拉，唯独系中环的较好食，见佢系识得揾食之人，信佢啦。可能当晚系星期日的关系，我地五个人等左大约十分钟就有位。入面啲枱都排得密密麻麻，而我地都系坐四人枱，再加多张圆凳系侧边...。大家唔系好肚饿的关系，一开始只系叫左鸡丝粉皮、花雕醉鸡、红油抄手同一客小笼包。小弟一向好钟意食鸡丝粉皮，但依度的鸡丝幼如发，个麻酱亦不够香，好一般。醉鸡系安娜介绍的，果真不错。个鸡的味道拿捏得好好，花雕味几重的，但又唔会净系得酒味。鸡肉则较韧左啲，但如果只论味道的话系好出色的醉鸡。红油抄手的精华在于个汁同配料，否则只系普通的菜肉云吞。依度的汁系冇味的，一啲都唔辣，配料只系得少少的葱花，即使抄手皮薄馅靓都冇用了。讲到小笼包，自从香港多年前兴起食依个上海点心，而家要揾出色的小笼包并唔难，
可能当晚系星期日的关系，我地五个人等左大约十分钟就有位。入面啲枱都排得密密麻麻，而我地都系坐四人枱，再加多张圆凳系侧边...。大家唔系好肚饿的关系，一开始只系叫左鸡丝粉皮、花雕醉鸡、红油抄手同一客小笼包。
小弟一向好钟意食鸡丝粉皮，但依度的鸡丝幼如发，个麻酱亦不够香，好一般。醉鸡系安娜介绍的，果真不错。个鸡的味道拿捏得好好，花雕味几重的，但又唔会净系得酒味。鸡肉则较韧左啲，但如果只论味道的话系好出色的醉鸡。红油抄手的精华在于个汁同配料，否则只系普通的菜肉云吞。依度的汁系冇味的，一啲都唔辣，配料只系得少少的葱花，即使抄手皮薄馅靓都冇用了。讲到小笼包，自从香港多年前兴起食依个上海点心，而家要揾出色的小笼包并唔难，而以前觉得好出奇的「爆汁」小笼包亦都好多地方做得到。所以依度的小笼包充满汤汁并不出奇，惊喜的却系个馅好鲜味，但个皮就可以再薄少少。
之后追加左个咸肉津白同上海炒年糕。咸肉津白不过不失，一碟清清的菜又可以差得去边呢？但细心食的话会食到有青芥味，超奇怪...-_-。上海炒年糕睇落好对办，但其实较淡口，炒得唔够香。最差的系年糕切得好唔规则，又三角形又长方形，又厚又薄，有啲仲要超大旧的...年糕本身亦都有点儿黐牙，好麻麻。最后要了个酒酿丸子做甜品。虽然唔系我杯茶，但酒味同桂花味都几香的，但个丸子就超细粒同唔够咬口。
整体来讲，依度的食物较清淡，违反左上海菜「浓油赤酱」的精神，但有几样野系几出色的，总算比起我以往食翡拉的经验较好。埋单每人八十几蚊，如果要好似平时咁等成个钟的话我谂我唔会来，但如果唔驶等太耐的话系可以一试的。
张贴
