深味餃子 (已搬遷) 新店位置

之前去过呢个地置既旧铺食过一次LUNCH，觉得性价比好高，但当我再次去既时候已经结业…原来而家开左饺子店，中意食饺子既我相当兴奋。餐厅除左有平时常见既椰菜饺、韭菜饺之外，仲有比较少见既芹菜饺、黑松露饺，最特别系有我中意食既芫茜整出黎既猪肉饺!! 芫茜汤饺十只 $53饺子晶莹剔透，可见饺子皮非常薄，入口唔会成口面皮。菜同肉既比较近乎一比一，算足料，亦有莞茜香。可惜，无肉既鲜甜味，而老火汤亦十分淡味，饮落似滚汤多过老火汤，呢两个位有点失望。韭菜饺汤面加底转米线 $38加底后既面量唔觉特别多，但无得对比唔知正常系咩份量，面质一般。友人话饺子味道唔错，但汤底淡味。樱花虾鸡翼五只 $32送上枱果阵樱花虾香气扑鼻，樱花虾唔知系炸定焗过，令其香气更特出，而且脆卜卜。鸡翼调味唔错，带点甜，不过肉质偏实唔够嫩滑，口感麻麻。猪肉饺子内馅包含好多肥猪肉，所以属于一种油份好高既食物，但呢度既汤饺食落比较清淡，油腻感唔重。另外我见附近几枱客人都会点煎饺，我卖相唔错，而且出现率都几高，有兴趣既朋友可以试下。