碗屋 (已結業)

约咗爱人行中环，大家都未食饭又见到呢间嘢喺面前就冲上去试下咁话啦。店舖嘅职员服务态度非常好。既有礼貌又肯帮忙。仲好主动话畀客人听1点前离坐有折用现金或八达通畀钱又有折咁就坐低食啦。本身见到佢有放题都有啲兴趣想试下但系望到咁多腐皮就唔系好够胆畀咁多次去试。既然都入到嚟就试下佢嘅刺身套餐同鳗鱼饭套餐啦。刺身套餐首先上咗喺个沙律同埋中华冷面。中华拉面偏酸，个沙律都系偏酸。有啲人就会觉得咁食得沙律中华冷面梗系酸㗎喇。要留意，我讲得出系偏酸梗系比正常嘅酸更偏酸。然后到个刺身上，不得了。全部都非常清淡，啖啖滋味淡如水。不过值得欣赏系师傅嘅刀工。轮到个鳗鱼饭套餐，唔知个鳗鱼系自己烧定点啦总之我就总系食起上嚟就系买返嚟返热。最有惊喜系佢个面豉汤，甜身。有趣有趣。咁样食一食有个折两个人两个餐落楼都唔使$400。仲要送多张优惠券畀你。