龜苓元坊 (已結業)

可能最近食得热气野多，牙肉肿痛喉咙又成日干干涸涸，搞到放工都冇乜胃口食嘢，咁啱经过东广场呢间凉茶舖，见到有凉茶饮又有饺子食，清清地就去帮衬下。叫咗10只韭菜汤饺加杯菊花茶，汤底几清，韭菜味够香，饺子大细适中，店员细心问需唔需要辣菜脯，不过我喉咙唔舒服咁冇要到，只系点醋就OK。呢度嘅饺子皮偏厚，食完10只都好饱。菊花茶份量唔算大，淡淡的清香嘅菊花味，饮完个喉咙舒服左好多。得闲食返啲清淡野，个人都觉得清新健康啲！