南記飯店 (已結業)

另一间喺九龙城既舖我最近去食既系南记饭店,佢系一间潮州打冷店,不过坐得几舒服!我同仔仔两个人叫了一条大眼鸡,川椒鸡,沙地牛肉芥兰同两碗白粥!大眼鸡好新鲜,肉质够实,点埋豆酱食仔仔好快已经食到得番骨!劲!川椒鸡既玻璃叶好好食,醒胃,而鸡肉用腌料腌到甜甜地,入口几好味,份量都几多!至于牛肉芥兰个汁做得唔错,又系大大碟,好彩仔仔啱啱系发育时期,都食得哂,不过食完要揽住个肚仔嗌好饱!哈哈白粥煮得算烂,通常潮州粥都唔系煮得好烂,有时都惊会食到胃痛,但系今次就唔使惊了服务方面,侍应都系一斑上左年纪既叔叔,但系佢地好友善,服务真系唔错,我谂下次都要再带埋老豆阿妈佢地嚟食先得!