營然 (已結業)

今日lunch想食清啲所以拣咗呢间。 先讲食物， 点咗单拼十只白菜猪肉饺子47蚊。 今次饺子皮有少少失败，有两只上菜时已经穿咗。 呢间小店饺子皮比较淋，唔似北方饺子咁烟韧， 亦冇咁厚。 馅料非常饱满， 味道清新。 食落唔觉太多味精，非常有屋企做饺子的感觉。 本人最喜欢佢够多菜，而且啲猪肉唔会太肥，食落去啱啱好唔会油腻。 食得出用咗好多心机做馅料。 有好多客人点咗老火汤，我冇试过唔知好冇味。 环境方面餐厅比较细，大概得十个位左右。 胜在地方整洁，设计走简约风。 服务方面，非常有礼貌，食物好快就准备好。 虽然四十几蚊十只饺子唔算平，但系佢哋用心经营， 都值得支持下 。