明德清湯腩

营业中

休息中

虽然话女仔都系钟意食西餐，但日日食都会厌，今日朋友子带我去食街坊嘢，黎咗长沙湾呢间明德清汤腩。好，坐低睇吓有咩好食先。清汤牛孖筋河，每条牛孖筋都晶凝通透，咬落爽弹，每一啖都系骨胶原，个汤底系用牛骨熬制，而且唔油腻，食呢个河粉唔需要再落酱料。咖哩五宝饭，用巴基斯坦咖喱煮岀港式味道，咖哩香得黎唔会太辣，五宝仲有牛肚、牛尾、牛筋牛脷、牛腩，啱晒牛肉控。麻辣牛脷，牛脷煮得好软腍，最特色系个麻辣酱，超麻香又唔会死咸。鱼皮饺，粒粒饱满，皮够薄，净食略嫌咸少少，配粉面会好啲。饮品叫咗热奶茶、热菜蜜。