影片
更多
2023-08-22
4210 浏览
好味指数😋😋😋回头指数 ⭐️⭐️开心指数🤗🤗🤗上个月生日，朋友拣咗观塘呢间餐厅食饭，一扫食评，大部分都讲得好好食，生日月送红/白酒2杯，环境好似唔错，有少少期待！之前见到网上有人写过台湾风味牛肉千层面，好想试，点知发现冇咗，就试吓其他嘢啦！🍴红酒汁慢煮牛柳配薯蓉（$268）叫咗5成熟，嚟到嘅时候见到唔止5成熟，个皮干干哋，有少少担心！一食落去，我只能够形容为「又干又嚡」😭，唔知慢煮个精粹去咗边？相比起其他主菜，呢个仲要特别贵，唔掂！🍴烟三文鱼洋葱pizza（$148）Pizza 够香脆，烟三文鱼基本上唔会差得去边，虽然佢奇怪地有一个角唔见咗（可能佢太脆，切嘅时候飞走咗），但呢个系几好食嘅！🍴雪糕脆筒麻糬窝夫（$128）上面放咗一个牛奶公司嘅甜筒，甜筒沾上咗外加嘅朱古力同士多啤梨酱，食嘅时候有D摎挍，窝夫正常，冇特别好香，麻糬比较少，另配有士多啤梨、香蕉、cream，唔算有咩特色，如果要加一个塑胶生日牌同一支蜡烛要加钱～🍴Hoegaarden（$58）好抵饮！牛柳讲真系失望到爆，可能拣意粉、鸡翼的话质素会好D！地方够大，坐得舒服，冇限时限刻赶你走，不过。。。有插曲！1. 店嘅 last or
回头指数 ⭐️⭐️
开心指数🤗🤗🤗
上个月生日，朋友拣咗观塘呢间餐厅食饭，一扫食评，大部分都讲得好好食，生日月送红/白酒2杯，环境好似唔错，有少少期待！
之前见到网上有人写过台湾风味牛肉千层面，好想试，点知发现冇咗，就试吓其他嘢啦！
🍴红酒汁慢煮牛柳配薯蓉（$268）
叫咗5成熟，嚟到嘅时候见到唔止5成熟，个皮干干哋，有少少担心！一食落去，我只能够形容为「又干又嚡」😭，唔知慢煮个精粹去咗边？相比起其他主菜，呢个仲要特别贵，唔掂！
红酒汁慢煮牛柳配薯蓉
$268
37 浏览
0 赞好
0 留言
🍴烟三文鱼洋葱pizza（$148）
Pizza 够香脆，烟三文鱼基本上唔会差得去边，虽然佢奇怪地有一个角唔见咗（可能佢太脆，切嘅时候飞走咗），但呢个系几好食嘅！
烟三文鱼洋葱pizza
$148
49 浏览
0 赞好
0 留言
🍴雪糕脆筒麻糬窝夫（$128）
上面放咗一个牛奶公司嘅甜筒，甜筒沾上咗外加嘅朱古力同士多啤梨酱，食嘅时候有D摎挍，窝夫正常，冇特别好香，麻糬比较少，另配有士多啤梨、香蕉、cream，唔算有咩特色，如果要加一个塑胶生日牌同一支蜡烛要加钱～
雪糕脆筒麻糬窝夫
$128
40 浏览
0 赞好
0 留言
🍴Hoegaarden（$58）
好抵饮！
牛柳讲真系失望到爆，可能拣意粉、鸡翼的话质素会好D！地方够大，坐得舒服，冇限时限刻赶你走，不过。。。有插曲！
1. 店嘅 last order 系8点，跟住就随即埋单，唔知系咪赶收工，食紧甜品嘅时候，店员已经用漂白水定绿水（总之系好大味嘅清洁剂）洗地，虽然系洗冇人坐嘅台附近位置，但系因为好近亦都好大味，一路嗅住个味去食嘢都几唔舒服！
2. 平日晚上9点半闩门，9点就开大晒灯「提示」你要走，有开灯赶客 feel！
3. 好好笑嘅系，另一台到埋单问，先俾红/白酒两杯，最后冲刺饮咗佢😂好彩我朋友一开始叫嘢饮时问咗佢，唔使搅到赶住饮！
基本上呢间餐厅未有咩特别可以有回头嘅动力，不过如果饮啤酒嘅都真系几抵嘅～
☆My IG @tracyloveliving ☆
张贴
