影片
更多
2013-10-05
255 浏览
「清朝大臣」？标题「清潮大颐」唔喺打错字，「清酒」+「潮州菜」=「大快朵颐」 ，真喺未试过清酒配潮州菜，今晚一于大快朵颐，痛快淋漓享受口福之乐，事发地点就晌旺角新世纪嘅百乐。是晚饭局中，认识到数位新朋友，虽然小弟较内歛，唔多发声，但绝对食得极之开心，除咗品尝多款既特色，又味美嘅潮州真味之外，因为听到大家不断发放笑弹，笑声不绝，实在愉快 ！晌新世纪广场，由地下搭扶手电梯一路上嚟5/F嘅百乐潮州酒楼，见广场内好多铺位翻新，而且仲已经开咗唔少有份量或具知名度嘅食店，相信迟下新世纪广场又有一番新景象。讲番百乐，可能喺快乐星期五，一踏入门口，已见座无虚席，夸张少少讲可以话喺人声鼎沸。装潢比较平实，一边有落地屏风分隔嘅4-5人枱，另一边入墙柜摆咗好多花樽、古玩，多添几分雅气，大堂中央位置就喺多张8人、10人枱等等，另外仲有一啲厢房，整体而言属雅致不浮夸。最近，店家仲搞搞新意思，只要同枱有两位客人上「面书」赞一赞百乐潮州酒家嘅专贡，就有一次幸运轮抽奖，奖品有指定小菜、糖果一份、工艺花茶、指定甜品、全单九折……等等 ，务求让大家开心快乐！虽然边食边饮，但都一次过先分享公关朋友特意带来嘅3枝清酒：
晌新世纪广场，由地下搭扶手电梯一路上嚟5/F嘅百乐潮州酒楼，见广场内好多铺位翻新，而且仲已经开咗唔少有份量或具知名度嘅食店，相信迟下新世纪广场又有一番新景象。讲番百乐，可能喺快乐星期五，一踏入门口，已见座无虚席，夸张少少讲可以话喺人声鼎沸。装潢比较平实，一边有落地屏风分隔嘅4-5人枱，另一边入墙柜摆咗好多花樽、古玩，多添几分雅气，大堂中央位置就喺多张8人、10人枱等等，另外仲有一啲厢房，整体而言属雅致不浮夸。
最近，店家仲搞搞新意思，只要同枱有两位客人上「面书」赞一赞百乐潮州酒家嘅专贡，就有一次幸运轮抽奖，奖品有指定小菜、糖果一份、工艺花茶、指定甜品、全单九折……等等 ，务求让大家开心快乐！
虽然边食边饮，但都一次过先分享公关朋友特意带来嘅3枝清酒：「南部美人．吟Ginga纯米吟酿」、「獭祭．三割九分．纯米大吟酿」、「富久长．纯米柚子健康酒」，有间中睇过吓小弟嘅食评都知，小弟唔多好酒，算叫饮得几杯，但未喺好识品尝，所以，纯以个人口味嚟跟大家分享。「南部美人」喺岩手县名物，虽然带有青苹果香味，但酒精度去到50% ，小弟只喺浅浅浅尝，唔好意思，未喺好真正能够饮出咩味道，据介绍，配浓味或较肥腻嘅食物最突出佢嘅解滞腻功效；第二款「獭祭」无咁劲，酒精度16%，易入口好多，淡淡酒香，嗒落确喺有少少梨子香味，感觉特别，由于配海鲜最合衬，所以边饮边食冻花蟹；至于第三款「富久长」，最深得大家欢心，除了酒精度低之外，重重嘅柚子香最叫人饮得顺喉，唔介绍唔知，依款酒加入大量高知县产嘅柚子及广岛县产嘅柠檬，仲未够，再加入蜂蜜精制而成，酸甜有致，好似饮紧一杯鸡尾酒，添饮唔该 。
卤水系列（卤水鹅肉、猪耳仔、卤水鸡蛋豆腐、卤水鹅肝、卤水猪脚筋） 未试过一次过食咁多款卤水嘢，款款一碟，绝对足够我哋样样都试匀。卤水以鹅肉、猪脚筋及鹅肝做得最为入味，味道醇香沉实，咸香适中，而鹅肉嫩滑味浓，蘸点白醋，鹅味更突出，猪脚筋又好有惊喜，软腍到不得了，好似食紧花胶咁，鹅肝入口粉嫩甘腴，正正各有特色；此外，猪耳仔我都几钟意，冰凉爽口，咬落有嚼劲，卤水豆腐就真人不露相，以为平平无奇，原来入口十分软滑，只可惜卤水味无卤鹅、卤猪脚筋𠮶几样嘢咁入味。
凉伴鱼皮 鱼皮裁得大大件，又够厚身，食得过瘾，口感清凉、爽弹，满口麻油香。原来工序都几繁复，以鲩鱼皮去鳞、厚切、白灼，再放入冰水冷藏，跟手用麻油、姜葱、芫茜调味凉拌而成。
腌蛳蚶 蛳蚶喺潮州菜中颇为特色嘅美食，不过，由于卫生问题，好多铺头以安全起见，都甚少供应生腌蛳蚶，所以今晚晌度食到，实属难得呀！蛳蚶外壳擦得亮白，简单以蒜头、椒丝、生抽腌制，一搣开个壳，血红饱满嘅蛳蚶肉立时呈现眼前，有人可能觉得核突，但咁道正正表明肉质新鲜，确实蛳蚶肉啖啖鲜甜，又咸咸爽爽，一粒蛳蚶肉，一粒蒜头，帮帮杀菌，感觉更加安心啲。
金钟鸡 名字好特别嘅凉菜，一直未上枱，都唔知佢葫芦卖咩药。点知一送上枱，齐齐哗声四起，卖相绝对攞满分，无论摆盘、装饰，以至「金钟鸡」本身，都别具特色。原来又喺一番心机制作，淆高汤、切鸡丝、混入芫茜、杞子，再雪冻做成 金钟形啫喱状，前前后后搞足4小时。依道菜要趁冻食，摊番暖就少咗份冰凉感，晶萤嘅啫喱冻有著高汤嘅浓郁，鸡丝很滑溜，配合埋清香嘅芫茜，不愧为一道已有逾40年历史嘅功夫菜 。
以上分享咗多款冷盘凉菜，单单前菜已咁精彩，主菜方面又如何？由于相片众多，又想逐一跟大家分享，故此，只好「下篇」再续！
张贴
