黑布小巷 (黑布街) (已結業)

行行下街觉口渴，就想揾下又解渴，感觉又无咁肥嘅茶饮过下口瘾，点知系黑布街巷边见到呢间店舖，除左有好多台式小食之外，仲有冷泡茶。见系同「茶家宅养生茶」联乘，强调系自家煲制，无加糖同防腐剂，就叫左菊花杞子茶瓜干茶（$28）试下。呢款菊花杞子茶瓜干茶话可以清肝明目同改善黑眼圈，有冇效就唔知，但见到都觉得适合我呢种熬夜、眼干、又长期使用电话同电脑嘅人。由于无糖，呢款苦瓜茶饮落茶底几香，系有阵少少嘅苦涩味，感觉特别清热，夏天冻饮都几适合。