Goobne Chicken (瓊華中心)

营业中

休息中

呢排睇波食咗唔少煎炸嘢，睇嚟都要过一排先可以食热气野。朋友话想食韩国野，又口痕又惊热气，跟住佢话不如食韩国烤鸡，原来除左炸鸡之外韩国都有烤鸡，真系唔讲唔知。呢度嘅烤鸡，卖点系不经油炸，低热量低胆固醇，怕肥又为食嘅我就啱哂啦！餐厅装修简洁时尚，坐位宽阔，适合与朋友和家人聚餐。蜜糖咖哩烤鸡Honey & Curry Chicken $195估唔到咖哩同蜜糖可以咁夹，烤到皮脆肉嫩，不会干争争，咬落多汁不油腻，超好食！仲有蜜糖芥末汁，令成件事有不同嘅味觉层次。花瓶鲜果沙律$118 见到Menu上嘅图好似一盆盆栽几得意就叫来试下，唔好以为会好dry。唔洗惊，惊喜在后头呢，轻轻一拨，内𥚃有新鲜蔬菜、橙、苹果、桃、青提子，有yogurt酱汁，感觉非常健康！韩式鸡蛋卷$148用嫩滑的蛋取代了平常外面嘅饭、里面有餐肉, 红萝卜, 黄瓜, 紫菜和芝士。点少少蕃茄酱更加滋味。