順．和の味 (已結業)

相约友人食饭，虽然疫情已缓和，但都系倾向座得疏落啲嘅餐厅，感觉安心啲嘛~初秋，有少少凉。叫咗个水炊鸡锅定食，分量好足。个汤用日本鸡煮，再配上豆腐、大量蔬菜，好清爽，好鲜甜！如果冬天食，应该仲正，讲起就感觉到阵暖意。同行朋友叫咗牛肉烧，牛味好浓。可惜唔记得影相...白饭用上日本珍珠米，煮出嚟仲好有饭香，呢个要赞。👍定食配有沙律、腌萝卜、螺肉、茶碗蒸、朱古力蛋糕，及饮品。食完系好满足好满足同好满足重点：餐厅唔嘈，环境疏落好坐，约朋友食饭加倾计，系唔错嘅选择。提一提，lunch time都几多人，记得早啲订位。我1点入座，门口有小人龙，约10几人等位中。