燒皇燒烤雞煲專門店

营业中

休息中

呢日同一班朋友谂住叙旧，就嚟到屋企附近嘅呢间鸡煲火锅店。店面环境算阔落，而且有做好间隔防疫措施。一睇个餐牌，发现食物选择真系好多，除咗鸡煲仲有啲串烧食。我地就嗌咗个椰子鸡煲同啲烧物食。呢度上台个煲同啲鸡系分开先，可以见到个汤底入面有唔少椰子肉同红枣雪耳等，睇落好养生，而分开上嘅鸡肉上都摆咗啲椰子肉，完全足料，所以煲到后面个汤真系好清甜好正！我地都叫咗唔少火锅配料，呢度嘅一份其实都已经好大份，所以嚟到要酌量落单。配料入面最钟意佢个虾滑，食落真系啖啖虾肉唔会有沟咗好多粉嘅感觉。另外呢度嘅牛肉唔同平时火锅薄切个种，会比较厚身少少，食落好有牛味👍🏻呢度除咗火锅抵赞，串烧都好惹味。我地落咗串烧必叫嘅韭菜茄子等等，肉类叫咗京葱牛舌同筒鱿，全部都好高水准，洒系上面嘅孜然粉完全啱啱好。今次嚟鹅肝多士咁啱卖哂，下次会再嚟试埋佢！另外值得一提，呢度嘅员工服务都好好，而且上菜速度好快，又冇漏单，真系好抵赞👍🏻